Պուտինը Պետդումա է ներկայացրել խառը ընտրությունների օրինագիծը

ՌԴ նախագահ Վլադիմիր Պուտինը Պետդումային օրինագիծ է ներկայացրել ստորին պալատի խառը ընտրությունների վերաբերյալ` կուսակցական ցուցակներով եւ 225 մեծամասնական տեղերով: Այդ մասին ИТАР-ТАСС-ը տեղեկացել է խորհրդարանի աշխատակազմից:

Թեկնածուների առաջադրումը կարող է կատարվել ինքնաառաջադրմամբ, նաեւ քաղաքական կուսակցությունների միջոցով` կուսակցական ցուցակում ընդգրկելով. նշվում է փաստաթղթին կից պարզաբանող գրության մեջ:

Ներկայումս օրենսդրությունը նախատեսում է Պետդումայի 450 պատգամավորների ընտրությունների անցկացում համամասնական ընտրակարգով` կուսակցական ցուցակներով: Խառը ընտրությունների դեպքում պահպանվում է կուսակցությունների խորհրդարան անցնելու` 5 տոկոսի շեմը հաղթահարելու պայմանը: