ՄԱԿ-ի` ՀՀ-ում կատարվող ծրագրերը դառնում են արդյունավետ

Փետրվարի 22-ին ՀՀ ԱԳ նախարար Էդվարդ Նալբանդյանն ընդունել է ՄԱԿ-ի Զարգացման ծրագրի Եվրոպայի և ԱՊՀ երկրների տարածաշրջանային գրասենյակի տնօրենի տեղակալ Հաոլինգ Հուին:

Շնորհակալություն հայտնելով ընդունելության համար՝ Հաոլինգ Հուն բարձր է գնահատել Հայաստանի կառավարության և ՄԱԿ-ի Զարգացման ծրագրի միջև առկա համագործակցությունը և նշել, որ ՄԱԿ-ի կողմից Հայաստանում իրականացվող ծրագրերը տարեցտարի ավելի արդյունավետ և ընդգրկուն են դառնում։

Զրուցակիցները կարծիք են հայտնել, որ 2009թ.-ին հաստատված ՀՀ-ի` 2010-2015թթ.-ի զարգացմանն աջակցության ՄԱԿ-ի փաստաթուղթը (UNDAF) ներառում է խնդիրների այն լայն շրջանակը, որոնց իրականացումը, ՄԱԿ-ի օժանդակությամբ ու փորձագիտական օգնությամբ, հնարավորություն կտա Հայաստանին իրականացնելու Հազարամյակի զարգացման նպատակներով նախատեսված մի շարք ծրագրեր։