12-ամյա տղան Իսպանիա է մեկնել առանց ծնողների եւ փաստաթղթերի

12-ամյա մի բելգիացի տղայի հաջողվել է առանց որեւէ փաստաթղթի եւ տոմսի խաբել Բրյուսելի անվտանգության աշխատակիցներին եւ ինքնաթիռով հասնել Իսպանիայի Մալագա քաղաքի օդանավակայան: Euronews-ի հաղորդմամբ` այստեղ աննպատակ քայլելով՝ նա գրավել է ոստիկանների ուշադրությունը, իսկ նրանք չեն հավատացել տղայի այն պատճառաբանությանը, թե սպասում է, որ ծնողները ճամպրուկները վերցնեն:

Տղայի ծնողները նրա անհետացման մասին հայտարարություն էին տվել հինգշաբթի: Նախնական տեղեկությունների համաձայն` դպրոցում ուսուցիչներից մեկի հետ վիճելուց հետո տղան փախուստի էր դիմել եւ տուն չէր վերադարձել:

Բելգիական Jetair ավիաընկերությունը ներկայումս փորձում է պարզել, թե իրենց անվտանգության համակարգում որտեղ են թերացումներ թույլ տվել: