ԱՄՆ-ում ոստիկաններին սպանող մոլագար է հայտնվել

Միացյալ Նահանգներում նախկին ոստիկանը` 33-ամյա Ջորդան Դորները, կրակ է բացել 3 ոստիկանի ուղղությամբ` սպանելով նրանցից մեկին: CNN-ի հաղորդմամբ` ավելի վաղ նա սպառնացել էր իր համար թիրախ ընտրել իրավական դաշտի աշխատողներին, եթե աշխատանքից հեռացվի:

Դորներն օրեր առաջ Կալիֆոռնիայի նահանգի Իրվայն քաղաքում սպանել էր մի երիտասարդ զույգի: Նրանց եւ իր մյուս զոհերին նա սպառնալից նամակներ էր ուղարկել հետեւյալ բովանդակոթամբ. «Ես երբեք ընտանիք ունենալու հնարավորություն չեմ ունեցել, չեմ թողնի նաեւ, որ դուք ունենաք»:

Կալիֆոռնիայի ոստիկանությունը փնտրում է նրան, ինչպես նաեւ անվտանգ վայրեր տեղափոխում նրա հավանական զոհերին: