2014 թվականին Լատվիան կանցնի եվրոյի

2014 թվականին Լատվիան կանցնի եվրոյի: Լատվիական Սեյմը հավանություն է տվել եվրոյի անցնելու վերաբերյալ օրինագծին. տեղեկացնում է rosbalt-ը:

2014-ի առաջին երկու շաբաթների ընթացքում եվրոյին զուգահեռ կկիրառվի նաեւ լատը, սակայն մանրը եւ բանկոմատների տված գումարը արդեն կլինեն եվրո: Լատը եվրոյի փոխելու`  6 ամսվա հնարավորություն կտրվի քաղաքացիներին վարկային հիմնարկներում, իսկ Լատվիայի ազգային բանկում` անժամկետ:

Օրինագծին կողմ է քվեարկել մեծամասնությունը, դեմ` ընդդիմությունը: Օրինագիծն ուժի մեջ կմտնի երկրի նախագահի կողմից ստորագրվելուց հետո:

Լատվիան Բալթյան երկրորդ երկիրն է, որ կանցնի եվրոյին: Էստոնիայում համաեվրոպական արժույթը կիրառության մեջ է մտել 2011-ի հունվարի 1-ից: