Սիրիահայ երիտասարդը սպանվել է Հայաստան մեկնելուց մեկ շաբաթ առաջ

Սիրիայի Լաթակիա քաղաքում անհայտ զինյալների կողմից սպանվել է հայ երիտասարդ Հովսեփ Աբգարյանը: Այս մասին հայտնում է «Լրատուն»:

Նրա մարմինը գտել են քաղաքի մուտքի մոտ: Երիտասարդին նախ թալանել են, ապա դանակի բազմաթիվ հարվածներով սպանել: Տեղեկություն կա, որ տղայի պարանոցին ոսկյա շղթայով խաչ է եղել, որ, սակայն, ոճրագործները չեն գողացել:  Լաթակիա գնալու ճանապարհին նրա հետ մեքենայում եղել են նաեւ 4 սիրիացիներ, ովքեր ևս սպանվել են:

Հովսեփը 10 տարի է` ապրում էր Բեյրությում և Սիրիա էր եկել` անձնագրի հարցերը կարգավորելու, որպեսզի այս շաբաթ ժամաներ Հայաստան: Երիտասարդը մտադիր էր ամուսնանալ Հայաստանում: