Էպոսագետի համար Ադիբեկյանի հարցումները հիմք չեն

Էպոսագետ, ՀՀ նախագահի թեկնածու Վարդան Սեդրակյանը, լրագրողների հետ հանդիպման ժամանակ անդրադառնալով սոցիոլոգ Ահարոն Ադիբեկյանի այն հայտարարությանը, թե էպոսագետը պարանոյայով է տառապում, ասաց. «Այո', ես գերագնահատում եմ իմ հնարավորությունները, սակայն շատերն են գերագնահատում, նշանակում է` նրանք է՞լ են պարանոյայով հիվանդ»:

Նա հավելեց, որ ընտրություններից հետո պարզ կդառնա, որ հասարակության 81 տոկոսը տառապում է այդ հիվանդությամբ, քանի որ ընտրելու է իրեն:

Խոսելով նախընտրական քարոզարշավի մասին, Սեդրակյանն ասաց, որ շարունակելու է ցերեկները հարցազրույցներ տալ, իսկ երեկոները, բազկաթոռին նստած, հեռուստացույցով դիտել իրեն: