Տղամարդկանց շատ լինելու պատճառով ինքնաթիռը չի թռել

Բրիտանական ЕasyJet ավիաընկերության աշխատակիցները խնդրել են 4 ուղեւորի լքել ինքնաթիռը` թույլատրելի 300 կգ կշռի գերազանցման պատճառով: Բանն այն է, որ Airbus A319 ինքնաթիռի ուղեւորները մեծ մասամբ տղամադիկ են եղել. Լիվերպուլից Ժնեւ մեկնող ինքնաթիռում եղել է 135 տղամարդ եւ ընդամենը 19 կին: Մինչդեռ եվրոպական ավիաանվտանգության չափանիշներով` մեկ տղամարդ ուղեւորը միջինը պետք է կշռի 88 կգ, կինը` 70 կգ, երեխան` 35 կգ: 

EasyJet-ի աշխատակիցները այդ 4 ուղեւորին առաջարկել են 150 դոլար` ինքնաթիռում տեղից հրաժարվելու համար: Հասկանալով, որ ոչ ոք չի ցանկանում լքել իր տեղը, մյուս ուղեւորները հավաքվել ու կրկնապատկել են առաջարկած գումարը:

Տղամարդիկ Ժնեւ են ուղեւորվել հաջորդ ինքնաթիռով` միաժամանակ հարստանալով 300-ական դոլարով: