Դատավորը ''պատժվեց''` 1 տարի աշխատավարձից կպահեն

ՀՀ Արդարադատության խորհուրդը խիստ նկատողություն է հայտարարել ՀՀ Կոտայքի մարզի ընդհանուր իրավասության առաջին ատյանի դատարանի դատավոր Յուրի Բաղդասարյանին:

ՀՀ դատական դեպարտամենտից տեղեկացնում են, որ 2013 թվականի հունվարի 18-ին տեղի է ունեցել  ՀՀ Արդարադատության խորհրդի նիստ, որի ընթացքում, քննարկելով ՀՀ արդարադատության խորհրդի կարգապահական հանձնաժողովի կողմից ներկայացված կարգապահական պատասխանատվության ենթարկելու մասին միջնորդությունը և ղեկավարվելով Հայաստանի Հանրապետության Սահմանադրության 95-րդ հոդվածի 5-րդ կետով, Հայաստանի Հանրապետության դատական օրենսգրքի 157-րդ հոդվածի 1-ին մասի 3-րդ կետով, Արդարադատության խորհուրդը որոշել է ՀՀ Կոտայքի մարզի ընդհանուր իրավասության առաջին ատյանի դատարանի դատավոր Յուրի Բաղդասարյանին հայտարարել խիստ նկատողություն` զուգորդված 1 տարի ժամկետով աշխատավարձի 25 տոկոսից զրկելով: