Ճաշկերույթ ԵԽԽՎ դիտորդների համար

«Ժամանակի» տեղեկություններով` ԱԺ նախագահ, նախագահի ընտրությւոններում Սերժ Սարգսյանի նախընտրական շտաբի պետ Հովիկ Աբրահամյանը երեկ ուշ երեկոյան ճաշկերույթ է կազմակերպել ԵԽԽՎ դիտորդների հետ: Այդ պատճառով նա ,ՀՀԿ երեկվա գործադիրի նիստը դեռ չավարտված, լքել է ՀՀԿ գրասենյակը:

Թե ինչ առիթով է Սերժ Սարգսյանի շտաբի պետը ճաշկերույթ կազմակերպել ԵԽԽՎ դիտորդների համար, հայտնի չէ: Թերեւս պարոն Աբրահամյանը որոշել է մի փոքր թեժացնել Հայաստան ժամանած դիտորդների առօրյան:

Ինչպես հայտնի է, դիտորդներն արդեն նկատել են, որ ընտրությւոններից մեկ ամիս առաջ հանրությունը չունի ո՛չ բավարար հետաքրքրվածություն, ո՛չ էլ վստահություն ընտրությունների նկատմամբ: