Բրահիմին ներողություն է խնդրել Ասադի ելույթը ''աղանդավորական'' անվանելու համար

ՄԱԿ-ի եւ Արաբակաան պետությունների լիգայի հատուկ պատվիրակ Լահդար Բրահիմին խոստովանել է, որ BBC-ի հետ հարցազրույցում Սիրիայի նախագահ Բաշար Ասադի վերջին ելույթի կապակցությամբ իր արտահայտությունը, թե այն «աղանդավորական» էր, սխալ էր: Reuters գործակալությանը նա հայտնել է, որ դա լեզվի սայթաքում էր, եւ ինքը ներողություն է խնդրում:

Բրահիմին միաժամանակ նշել է, որ Ասադին չի տեսնում անցումային կառավարությունում, որի ձեւավորումը նախատեսված է գերտերությունների կողմից այցյալ տարի համաձայնեցված խաղաղ ծրագրով: Ըստ նրա` Ժնեւյան ծրագիրը միակ տարբերակն է` Սիրիան ճգնաժամից դուրս բերելու: «Որոշումը չի կարող սպասել մինչեւ 2014 թվականը, այն պետք է կայացվի այս տարի»,- շեշտել է Բրահիմին: