Մոսկվայում կանանց բռնաբարած հային ցմահ բանտարկություն է սպառնում

Հայաստանի քաղաքացի` 26-ամյա Երվանդ Մնացականյանը մեղադրվում է Մոսկվայում բռնաբարությունների շարք կատարելու մեջ:

Հետաքննության տվյալներով`2011-2012 թվականներին նա ամենաքիչը 8 կնոջ վրա հարձակում է գործել, ընդ որում` տուժածներից 2-ը անչափահասներ են: Հանցագործը միաժամանակ թալանել է իր զոհերին` նրանցից վերցնելով բոլոր արժեքավոր իրերն ու դրամը. տեղեկացնում է  Российская газета-ն:

Մնացականյանին, որն ավելի վաղ դատված է եղել ավազակային հարձակման համար, ձերբակալել են Մոսկվայի շուկաներից մեկում, որտեղ նա բեռնակիր էր աշխատում:

Հետաքննությունը բավարար ապացույցներ է հավաքել, եւ գործն ուղարկվել է դատարան: Մնացականյանին դատելու են ՌԴ Քրեական օրենսգրքի` միանգամից մի քանի հոդվածներով, որոնցից մեկը` «Բռնաբարություն», ենթադրում է պատիժ մինչեւ ցմահ բանտարկություն: