Թուրք նախարարի վրա ձվեր են նետել

Թուրքիայի մշակույթի եւ զբոսաշրջության նախարար Էրթուղրուլ Գյունայի վրա ձվեր են նետել Խոջաթեփե համալսարանի մշակութային կենտրոնում անցկացված` թուրք-ադրբեջանական բարեկամությանը նվիրված համերգի ժամանակ. տեղեկացնում է թուրքական Anadolu գործակալությունը:

Համերգին ներկա են եղել նաեւ Գյունայի կինը, Ադրբեջանի փոխվարչապետ Էլչին Էֆենդիւը, Ադրբեջանի կրթության, մշակույթի եւ զբոսաշրջության նախարարները, Թուրքիայում Ադրբեջանի դեսպանը:

«Ձվային հարձակման» հեղինակները «Ուսանողական կոլեկտիվներ» կազմակերպության անդամներ են: Նախարարի անվտանգության ծառայության աշխատակիցները եւ ոստիկանները կարգազանցներին դուրս են բերել դահլիճից: Մի քանի ուսանողներ, որոնք համալասրանի բակում շարունակել են անկարգությունները, ձերբակալվել են: