Հայաստանը պետք է օգնի Ջավախքի քաղաքացիական ինստիտուտների զարգացմանը

Հայ-վրացական հարաբերությունները ջավախահայության խնդրի լուծման տեսանկյունից  իրավիճակային են, երբ այս կամ այն որոշումը, հայտարարությունը կազմվում է` իրավիճակից ելնելով. լրագրողների հետ հանդիպման ժամանակ ասաց «Երկիր» միության ծրագրերի համակարգող Ռոբերտ Թաթոյանը: Նման քաղաքականությամբ, ըստ նրա, ջավախահայության խնդիրների որեւէ նշանակալի լուծում մոտ ապագայում չի արձանագրվի:

Թաթոյանի կարծիքով` ամենակարեւոր խնդիրը հայեցակարգի բացակայությունն է: Նա համոզված է, որ խնդիրը պետք է լուծվի ոչ թե հայ-վրացական միջպետական հարաբերությունների շրջանակներում, այլ Հայաստանը պետք է օգնի Ջավախքի քաղաքացիական ինստիտուտների զարգացմանը, որպեսզի վրացական իշխանությունները վերջիններիս հետ  լուծեն խնդիրները:

«2008թ.-ի պատերազմից հետո Վրաստանն իր դիրքերը թուլացրել է, եւ նման պայմաններում Հայաստանի իշխանությունները կարող են ջավախահայության հարցերին ինչ-ինչ լուծումներ տալ»,- նշեց Թաթոյանը: