Ախալքալաքում թուրքերն ավելանում են

Ախալքալաքում բնակություն հաստատող թուրքերի թիվն աստիճանաբար ավելանում է. լրագրողների հետ հանդիպման ժամանակ հայտարարեց «Երկիր» միության ծրագրերի համակարգող Ռոբերտ Թաթոյանը եւ հավելեց, որ թուրքերն Ախալքալաքում բնակարաններ են գնում, թուրքական ընկերությունները ՀԷԿ-եր են կառուցում: Ընդ որում` նրանք ավելի բարձր են վարձատրվում, քան հայերն ու վրացիները:

Թաթոյանը թեեւ ընդունում է, որ Վրաստանը ստիպված է հանդուրժել թուքերին` ռուսներին դիմագրավելու համար, բայց մյուս կողմից էլ` նշում է, որ որքան դա վրացական իշխանությունների համար ձեռնտու տարբերակ է, այնքան էլ` վնասակար: Այս համատեքստում Թաթոյանը նշում, որ, որպես հակակշիռ, Վրաստանի իշխանությունները կարող են օգտագործել ջավախահայության գործոնը, ինչը սակայն չի արվում: