2005 YU55 աստերոիդը կանցնի Երկրից շատ մոտ

Հաջորդ շաբաթ 2005 YU55 աստերոիդը Լուսնից էլ մոտ տարածությունից` 300 հազար կմ հեռավորությունից կանցնի Երկրի կողքով:

Inosmi.ru լրատվական կայքը հաղորդում է, որ 400 մետր լայնությամբ աստերոիդը վերջին 30 տարիների ընթացքում մեր մոլորակի կողքից ամենամոտ անցնող երկնաքարն է:

«Սա անվտանգ աստերոիդ է, որը մեզ հնարավորություն է տալու ուսումնասիրել այն»,- կարծիք է հայտնել Ազգային գիտական հիմնադրամի աստղագետ Թոմաս Ստատլերը եւ հավելել, որ ՆԱՍԱ-ն եւ հիմնադրամը նախատեսում են ուրբաթ օրվանից հետազոտություննեի իրականացնել` աստերոիդի հետ կապված:

Հիշեցնենք, որ հուլիսին ՆԱՍԱ-ի տիեզերական Dawn սարքը դուրս էր եկել 500 կմ լայնությամբ Վեստա աստերոիդի ուղեծիր: Ըստ գիտնականների` 2005 YU55 չափերին մոտ հաջորդ աստերոիդը Երկիր մոլորակի մոտով կանցնի 2028 թվականից ոչ շուտ: