ԱԺ-ում` դարձյալ հայ-թուրքական հարաբերությունների մասին

Մեկնարկեց ԱԺ հերթական քառօրյան, գրանցվեց 81 պատգամավոր:

Օրակարգի հաստատման ընթացքում «Ժառանգության» խմբակցության ղեկավար Ստյոպա Սաֆարյանը «ավանդական» հարց բարձրացրեց` հայ-թուրքական արձանագրություններն օրակարգից հանելու մասին:

Նա նշեց, որ մոտենում է Ապրիլի 24-ը, եւ Թուրքիան անգամ սառեցված արձանագրություններից քաղում է իր օգուտները: «Այս արձանագրությունները շարունակում են հարված հասցնել մեր արտաքին քաղաքականությանն ու ազգային անվտանգությանը»,- ասաց Ստյոպա Սաֆարյանը:

ԱԺ նախագահ Հովիկ Աբրահամյանն ի պատասխան կրկնեց նախորդ քառօրյայի ընթացքում ասածը. «Խնդիրը գտնվում նախագահ Սերժ Սարգսյանի լիազորությունների շրջանակում, եւ համոզված եմ, որ նա ժամանակի ընթացքում այդ խնդրին լուծում կտա: Դա մեր լիազորությունների մեջ չի մտնում»: