Հարցը Բագրատյանին բարկացրեց

ՀՀ նախկին վարչապետ Հրանտ Բագրատյանը yerkir.am-ի թղթակցի հետ զրույցում հրաժարվեց պատասխանել հարցին` ի վերջո, ընդունե՞լ է Թուրքմենստանի նախագահի` տնտեսական հարցերով խորհրդականի պաշտոնը ստանձնելու առաջարկը:

«Ես այդ հարցին չեմ պատասխանի»,- հարցը մինչեւ վերջ չլսելով`ասաց Բագրատյանը եւ կախեց լսափողը:

Հիշեցնենք, որ ամիսներ առաջ հայաստանյան մամուլը հեղեղված էր լուրերով, իբր Հրանտ Բագրատյանին առաջարկվել է Թուրքմենստանի նախագահ Ղուրբանգուլի Բերդիմուհամեդովի տնտեսական հարցերով խորհրդականի պաշտոնը: Որոշ թերթեր նույնիսկ գրում էին, որ Բագրատյանը անմիջապես մեկնել է Թուրքմենստանի մայրաքաղաք Աշխաբադ` նախագահի հետ առաջարկը քննարկելու:

Մենք պարզապես ցանկանում էին պարզել, թե ի՞նչ արդյունք են տվել այդ քննարկումները եւ համաձայնե՞լ է, արդյոք, Բագրատյանը ստանձնել խորհրդականի պաշտոնը: