Երկրաշարժի գոտում մարդիկ խուճապի մեջ են (տեսանյութ)

Այսօր տեղի ունեցած երկրաշարժից տուժել է Թուրքիայի Էլյազիգ մարզի հարավային հատված:

Ռուսական НТВ հեռուստաընկերության տվյալներով` ներկայումս փրկարարական աշխատանքներ են տանում այդտեղ: Երկրաշարժի հետեւանքով զոհվել է գրեթե 60 հոգի, իսկ ավելի քան 100 հոգի տարբեր վնասվածքներով տեղափոխվել է հիվանդանոց:

Որոնողական աշխատանքները դեռ շարունակվում են, ուստի զոհերի եւ վիրավորների թիվը կարող է ավելանալ: Հարեւան շրջաններից Թուրքիայի աղետի գոտի են ուղարկվում բժիշկներ եւ փրկարարներ, նաեւ առաջին օգնության պարագաներ ու սարքավորումներ` փրկարարական աշխատանքներ իրականացնելու համար:

Թուրքական լրատվամիջոցները հայտնում են , որ այս երկրաշարժը խուճապ է առաջացրել մարդկանց շրջանում, եւ նրանք գերադասում են մնալ դրսում:

Հաղորդվում է նաեւ, որ, ի տարբերություն գյուղական տների, քաղաքի բազմաբնակարան շենքերը չեն վնասվել: