Շարմազանովը` ՀԱԿ-ի մարտավարական հնարքի մասին

ՀԱԿ-ի կողմից արտահերթ նախագահական ընտրությունների պահանջը Սերժ Սարգսյանի հրաժարականի պահանջով փոխարինելը ԱԺ ՀՀԿ խմբակցության քարտուղար Էդուարդ Շարմազանովը yerkir.am-ի հետ զրույցում որակեց որպես «մարտավարական հնարք»:

«ՀԱԿ-ը տեսավ, որ արտահերթ ընտրությունները ռեալ չեն, եւ որպեսզի տաք պահի իր էլեկտորատը, հիմա արդեն ընտրությունների գնում է ավելի ռադիկալ կոչերով»,- վստահեցրեց նա, բայցեւ նոր խորհրդարան մտնելու ՀԱԿ-ի շանսերը գնահատել չցանկացավ:

Շարմազանովը վստահեցրեց, որ, առանց բացառության, բոլոր քաղաքական ուժերի հետ պատրաստ են քննարկել երկրի համար կարեւորագույն հարցերը, «բայց ոչ երբեք գնալ երկխոսության իմիտացիայի ճանապարհով»:

Սերժ Սարգսյանի հրաժարականի շուրջ ՀԱԿ-ի հետ բանակցություններ շարունակելը Շարմազանովը պարզապես ծիծաղելի համարեց: Հակառակ սրան` ընտրություններում համոզիչ հաղթանակ տոնելու շանսերը նա լիովին իրական գնահատեց: