Սիրտում կատաղի մարտեր են

Լիբիայի Անցումային ազգային խորհրդի զինված ուժերին հաջողվել է ներխուժել Սիրտ քաղաքը, որը վերահսկվում էր Մուամար Կադաֆիին համատարիմ ուժերի կողմից. տեղեկացնում է BBC-ն:

Կադաֆիականների հետ արյունալի բախումների հետեւանքով զոհվել է 12 մարդը, 190-ը վիրավոր են: Գրոհի ժամանակ քաղաքը գնդակոծվել է տանկերից եւ հրետանուց, իսկ հարձակվողներին կատաղի դիմադրություն են ցույց տվել, հիմնականում` դիպուկահարները: Կադաֆիականների հետ բանակցություններն արդյունք չեն տվել:

Մինչ գրոհը սկսելը Անցումային ազգային խորհուրդը հնարավորություն է տվել խաղաղ բնակիչներին լքել քաղաքը, սակայն շատերը մնացել են` չկարողանալով մեկնել այնտեղից:

Ի դեպ, ՄԱԿ-ի գլխավոր քարտուղարի Լիբիայի հարցով հատուկ խորհրդական Իան Մարտինը նախազգուշացրել է, որ Անցումային ազգային խորհրդի զինված ուժերի կողմից Սիրտը գրավելուց հետո չի թույլատրվելու հաշվեհարդարը Կադաֆիի ծննդավայրի բնակիչների հետ: