22 մեքենա դուրս է բերվել սողանքի գոտուց

Տավուշի մարզում տեղի ունեցած խոշոր սողանքի հետևանքով հողազանգվածի տակ հայտնված մեքենաներից 22-ն արդեն դուրս են բերվել:

ԱԻ նախարարությունից տեղեկացնում են, որ ժամը 22:50-ի դրությամբ` սողանքի գերությունից դուրս է բերվել «ՎԱԶ 21011» մակնիշի 36 ՕՏ 522 պետհամարանիշով կարմիր ավտոմեքենան:

Ժամը 21.51-ին փրկարարները «Հարավկովկասյան երկաթուղու» շարժական կռունկի միջոցով սողանքի գոտուց դուրս են բերել հողաշերտի տակ հայտնված «Մերսեդես Ե» մակնիշի IQI202 պետհամարանիշով ավտոմեքենան:

Որոնողափրկարարական աշխատանքները շարունակվում են:

Հիշեցնենք, որ  հոկտեմբերի 2-ին, Վանաձոր-Բագրատաշեն ճանապարհին տեղի էր ունեցել սողանք, ինչի հետեւանքով հողաշերտի տակ էր մնացել 35 ավտոմեքենա: Մինչ օրս անհայտ կորած է համարվում 5 մարդ: