Պրո Կրեդիտ բանկը կայունացրել է գործունեությունը

Այսօր Պրո Կրեդիտ բանկի հրավիրած մամլո ասուլիսի ժամանակ տնօրինության նոր անձնակազմի հետ միասին քննարկվեցին բանկի այս վերջին տարիների եւ հետագա զարգացումները:

Հայաստանի Պրո Կրեդիտ բանկըՊրո Կրեդիտխմբի անդամ է, որը գործում է շուրջ 21 երկրներում:

Հայստանում բանկն իր գործունեությունը սկսել է 2008թ-ից: Եւ ինչպես նշեց խորհրդի նախագահ Քրիսթոֆ Ֆրեյթագը, Հայաստանում կայունացել է բանկի գործունեությունը: Ներկայումս նրանք հմուտ կառավարման թիմ են ստեղծել, որն էլ շարունակելու է իրենց հետագա զարգացումը:

Ներկայումս գործում են բանկի 7 մասնաճյուղ Երեւանում, երեքն էլ Վանաձորում, Գյումրիում եւ Արտաշատում: Սակայն բանկի գործադիր տեղակալ Ավթանդիլ Գոգոլի հավաստիացմամբ, 2012թ-ին բանկն իր մասնաճյուղերի ընդհանուր թիվը կհասցնի 18-ի: