Ստոր խաբեբա

Պարզվել է, որ երբ մարդ ստում է, նրա ճնշումը բարձրանում է, արտազատվում է հիստամին, որը խթանում է քթի լորձաթաղանթի էրեկտիլ հյուսվածքի բորբոքում: Արդյունքում մարդու քիթը սկսում է քոր գալ, բացի այդ` նկատվում է նաև զարկերակային անոթների նեղացում, արդյունքում` ձեռքերն ու ոտքերը սառչում են:

Ինչպես տեղեկացնում է Doctors.am-ը, երբ մարդն ուզում է մեկ ուրիշին իր ստի մեջ ներգրավել, նա մոտենում է այնպես, կարծես խնդրելով, որ վերջինս համագործակցի իր հետ: Սովորաբար մարդիկ իրենց խոսքը կրճատում են, իսկ խաբեբաները` ընդհակառակը: Երբ մարդն իր խոսքի մեջ օգտագործում է «հիմնականում», «երբեմն», «գրեթե երբեք» արտահայտությունները, ամենայն հավանականությամբ, նա ինչ-որ բան է թաքցնում: Որևէ բան հորինելու համար նրան ժամանակ է պետք:

Սուտ խոսելիս նկատվում է ադրենալինի արտազատում, որը խթանում է բերանի չորացում: Այստեղից էլ մարդու մոտ առաջանում է որևէ բան խմելու կամ հազալու ցանկություն: Խաչած ձեռքերը, բերանին մոտեցրած բաժակը կամ սեղմած բռունցքները նույնպես կարող են խոսել մարդու ստելու մասին: