Հասանելիք փոխհատուցումը չեն տալիս

Հինգ տարուց ավելի է` նախկին օդաչու, 67-ամյա Ռազմիկ Խաչատրյանը չի ստանում աշխատանքի ընթացքում մասնագիտական հիվանդություններ ձեռք բերելու համար տրվող փոխահատուցումը: Գումարի չափը մոտ 40 հազար դրամ է:

«Ես մենակ չեմ: Ինձ հետ ուրիշ մարդիկ էլ կան, որ օդաչու են եղել: Մենք այդ հիվանդությունները ստացել ենք աշխատանքի ընթացքում, որից հետո մեզ այլեւս չեն թողել օդ բարձրանալ»,- ասաց Ռ. Խաչատրյանը:

Նա պատմեց, որ ներկայումս օդաչուները շաբաթական 15-20 ժամ են օդում լինում, իսկ իրենց ժամանակ օդաչուներն ավելի քիչ էին, իրենք ավելի ծանրաբեռնված են աշխատել. «Գոնե այդ փոխահատուցումը տան, որ կարողանանք մեր դեղերը գնել»: