Դպրոցներին աջակցելու նպատակով

2001 թվականից, համագործակցելով ՀՀ kրթության և գիտության նախարարության հետ, Մարդու իրավունքների հայկական դպրոցն (ՄԻՀԴ) իրականացնում է «Հասարակագիտություն» առարկան դասավանդող ուսուցիչների վերապատրաստում:

Ինչպես տեղեկացնում են ՀՀ ԿԳ նախարարությունից, այս տարվա դասընթացներին մասնակցել են 27 դպրոցների 55 ուսուցիչներ՝ հանրապետության 9 մարզերից և Երևանից: Ուսումնական գործընթացը բաղկացած է մեկամսյա առկա և 11-ամսյա հեռակա դասընթացներից: Ծրագրի շրջանակում դպրոցներին աջակցելու նպատակով կազմակերպվել են նաև այցելություններ այն դպրոցներ, որտեղ աշխատում են վերապատրաստվող ուսուցիչները:

Ուսման ընթացքում դասախոսություններ են կարդացել ՄԱԿ-ի, Կրթության ազգային ինստիտուտի, Գնահատման և թեստավորման կենտրոնի, Հայաստանի Հելսինկյան կոմիտեի և այլ իրավապաշտպան հասարակական կազմակերպություների փորձագետներ:

Դասընթացների ավարտին մասնակիցները հանձնել են քննություններ և ստացել վկայականներ: