ԺՈՂՈՎՈՒՐԴ. Նազարեթ Մնացականյանին կհեռացնեն

«Ժողովուրդ»-ի` ՀՀ ոստիկանությանը մոտ կանգնած աղբյուրների հաղորդմամբ` կազմակերծված հանցավորության դեմ պայքարի 6-րդ գլխավոր վարչության 4-րդ   վարչության պետ Նազարեթ Մնացականյանին առաջիկայում  կհեռացնեն ոստիկանության համակարգից: Նույն աղբյուրների հաղորդմամբ` նրան նշանակելու են Պետեկամուտների կոմիտեի նախագահ Գագիկ Խաչատրյանի` հարկային ծառայության  գծով տեղակալ: Առաջին հայացքից արտառոց որեւէ բան չկա, որ ուժային կառույցի ներկլայացուցիչը կարող է տեղափոխվել հարկային ծառայության ոլորտ: Սակայն հետաքրքիր է այն, որ Գագիկ Խաչատրյանը եւ Նազարեթ Մնացականյանը երկար տարիներ թշնամական հարաբերություններ են ունեցել միմյանց հետ: Լուրը ճշտելու համար «Ժողովուրդ»-ը զրուցեց Մնացականյանի հետ, ով ասաց. «Ես սիրով կատարում եմ իմ ծառայողական պարտականություններն ինձ հըարազատ համակարգում: Իսկ ձեր նշած տեղեկության վերաբերյալ կարո եմ ասել, որ առաջին անգամ եմ լսում»: