ԱՌԱՎՈՏ.Փրկության գործը ստանձնեց ԱԻ նախարարը

Օգոստոսի 1-ին Սևանա լճի Ծովագյուղի հատվածում ուժեղ քամին ափից հեռացրել է երկու հեծանվանավակներ և մեկ ջրային մոտորանավակ, որը անսարք էր:Գեղարքունիկի մարզի  Ծովագյուղի բնակիչներ Վարդան Վարագյանը 10-ամյա Վահրամ Վարագյանը, Սևան քաղաքի բնակիչներ Դավիթ Գուլանյանը, Վահե Մովսիսյանը, Երևանի բնակիչ Տիգրան Գասպարրյանը և ևս մեկը` Հակոբ անունով , ափից 1500-2000 մետր հեռացել էին , բախվել իրար, վթարի ենթարկվել և շրջվել: Հետաքրքիր զուգադիպությամբ այնտեղ էր ՀՀ արտակարգ իրավիճակների նախարար Արմեն Երիցյանը: Տեղեկանալով կատարվածի մասին  նախարարը անձամբ հանձն է առել խեխդվողների փրկության գործը: Նա մոտորանավակով հասաել է խեղդվողներին և 1,5 ժամում նրանց հասցրել ափ: Ականատեսները պատմել են, որ փրկվածները չիմանալով , թե ով է իրենց փրկարարը , դիմել են նրան.«Հոպար, մերսի, մեռնելուց պրծանք, էթանք մի-մի թաս բան խմենք»:Նախարարը հրաժարվել է: Ավելի ուշ փրկվածները տեղեկացել են թե ով է իրենց փրկարարը: