Առաջարկվում է ներկրվող սարքավորումների շեմն ընդհանրապես հանել

Փոքր և միջին ձեռնարկատիրության զարգացման խորհրդի` կառավարությունում կայացած անդրանիկ նիստից հետո լրագրողների հետ հանդիպման ժամանակ ՀՀ էկոնոմիկայի փոխնախարար Կարինե Մինասյանը նշեց, որ շատ հարցեր արդեն լուծման ընթացքում են:

«Բիզնես միջավայրի կատարելագործման շրջանակներում բազմաթիվ հարցեր ենք փորձում լուծել, իսկ սա այն հարթակն է, որտեղ բարձրացված կոնկրետ հարցերն արագ կլուծվեն»,- նշեց փոխնախարարը:

Փոքր եւ միջին բիզնեսի հիմնադրամի գործադիր տնօրեն Նարինե Մայիլյանն էլ նշեց, որ առաջարկ է արվել, որ, օրինակ, ներկրվող հիմնական միջոցի կամ սարքավորման շեմը` 300 միլիոն դրամ, ընդհանրապես հանվի:

«Դա առավել լավ լուծում կլինի եւ մեծապես կնպաստի արտադրական սուբյեկտներին»,- ասաց նա:

Նախատեսվում է, որ խորհրդի նիստերը կգումարվեն ամենուշը երեք ամիսը մեկ: