Ֆրանսահայերն աջակցելու են Ֆրանսուա Հոլանդին

ՀՅԴ Արեւմտյան Եվրոպայի Կենտրոնական կոմիտեի պատվիրակությունը` Մուրադ Փափազյանի եւ Ռիշար Անանյանի գլխավորությամբ, այցելել է Ֆրանսիայի Սոցիալիստական կուսակցության նախկին առաջին քարտուղար Ֆրանսուա Հոլանդին եւ հայ համայնքի աջակցությունը հայտնել նրա թեկնածությանը առաջիկա նախագահական ընտրություններում:

Ինչպես տեղեկացնում են ՀՅԴ Արեւմտյան Եվրոպայի ԿԿ գրասենյակից, այդ ընտրությունը պայմանավորված է նրանով, որ Հոլանդը մշտապես աջակցել է Հայ դատին, հանդես եկել Թուրքիայի կողմից Հայոց ցեղասպանության ճանաչման, Ցեղասպանության ժխտումը քրեականացնելու օրենք ընդունելու պահանջով, չի անտեսել նաեւ Ղարաբաղյան հակամարտության կարգավորման հարցը: