Օգնության նոր ծրագիր Հունաստանի համար

Գերմանիայի կանցլեր Անգելա Մերկելը եւ Ֆրանսիայի նախագահ Նիկոլա Սարկոզին Բեռլինում 7 ժամ տեւած խորհրդակցությունից հետ կարողացել են միասնական դիրքորոշում ձեւավորել Հունաստանին օգնություն ցուցաբերելու երկրորդ ծրագրի վերաբերյալ: Բարձրաստիճան եվրոպացի մի պաշտոնյա ասել է, որ այդ համաձայնությունը հիմք կդառնա այսօր Բրյուսելում եվրոյի գոտու արտակարգ գագաթաժողովում բանավեճ ծավալելու համար:

Պայմանավորվածության մանրամասները չեն նշվում: Մերկելի եւ Սարկոզիի համաձայնեցրած թեզերը հանձնվելու են ԵՄ նախագահ Հերման Վան Ռոմպեյին, որն էլ դրանք կներկայացնի գագաթաժողովում:

ИТАР-ТАСС-ի տվյալներով` Փարիզն ու Բեռլինը մասնավորապես համաձայնության են եկել  Հունաստանին նոր օգնություն ցուցաբերելու գործին մասնավոր կապիտալի մասնակցության հարցում:

Ձեռք բերված համաձայնությանը հավանություն է տվել նաեւ Եվրոպական կենտրոնական բնակի նախագահ Ժան-Կլոդ Տրիշեն, որը երեկ երեկոյան հատուկ ժամանել է Բեռլին` խորհրդակցությանը մասնակցելու համար: