Հիմքից է պետք սկսել

Հայաստանում այսօր չէ, որ քաղաքական ճգնաժամ կա, Հայաստանում քաղաքական ճգնաժամը վաղուց է առկա. պատասխանելով ԵՐԿԻՐ-ի հարցին` համարո՞ւմ եք, որ Հայաստանում քաղաքական ճգնաժամը դեռեւս հաղթահարված չէ, ասաց Հայաստանի ժողովրդական կուսակցության նախագահ, ՀԱԿ անդամ Ստեփան Դեմիրճյանը:

Մեր դիտարկմանը` իշխանություն-ընդդիմություն երկխոսությունն արդյո՞ք ինչ-որ բան չի փոխում, նա նշեց, որ ինչ-որ բան այս երկրում կփոխվի այն դեպքում, երբ երկրում գործի ընտրությունների մեխանիզմը, մնացած դեպքերում էական փոփոխություններ չեն լինի:

«Ազատ, արդար ընտրությունների անցկացումը ոչ միայն քաղաքական ճգնաժամից դուրս գալու միակ ելքն է, այլեւ երկրի հետագա զարգացման ու հասարակական-քաղաքական կյանքի առողջացման նախապայմանը: Պետք է սկսել սրանից»,- համոզմունք հայտնեց ընդդիմադիր գործիչը: