Հրաժեշտի հանդիպում

Հայաստանի նախագահ Սերժ Սարգսյանն այսօր հրաժեշտի հանդիպում է ունեցել ՀՀ-ում ԱՄՆ արտակարգ և լիազոր դեսպան Մարի Յովանովիչի հետ, որն ավարտում է դիվանագիտական առաքելությունը մեր երկրում:

Դեսպանը շնորհակալություն է հայտնել հանրապետության ղեկավարին Հայաստանում իր գործունեության ընթացքում ջերմ և արդյունավետ փոխգործակցության համար: Նա նշել է, որ վերջին երեք տարիների ընթացքում հայ-ամերիկյան հարաբերություններում արձանագրվել է ակնհայտ առաջընթաց, և ընդգծել, որ ԱՄՆ-ը կարևորում է Հայաստանի հետ կապերի շարունակական խորացումը:

Նախագահ Սերժ Սարգսյանը բարձր է գնահատել դեսպան Յովանովիչի անձնական ներդրումը երկկողմ միջպետական հարաբերությունների զարգացման և խորացման գործում, հաջողություններ է մաղթել նրան հետագա դիվանագիտական աշխատանքում: