Ֆրանսիայի մարմնավաճառները կրծքով են պաշտպանում իրենց հաճախորդներին

Նրանք, ովքեր ծախու սեր են գնում, 3000 եվրոյի տուգանք պետք է վճարեն կամ մինչեւ 3 ամիս բանտում անցկացնեն. սահմանվում է ֆրանսիական նոր օրինագծով:

Ֆրանսիայի կառավարության մի քանի ներկայացուցիչների եւ պատգամավորների մտահղացմամբ` այդ միջոցառումը պետք է արմատախիլ անի մարմնավաճառությունը:

Սակայն երկրի ներքին գործերի նախարար Կլոդ Գեանը զգուշացրել է, որ դրա հետեւանքով կարող է «իրավական հեղափոխություն» սկսվել, քանի որ Ֆրանսիայում մարմնավաճառությունը հանցագործություն չի համարվում:

Իսկ հնագույն մասնագիտության ներկայացուցիչների արհմիությունը պնդում է, որ նոր օրենքը վեներական հիվանդությունների աճի պատճառ կարող է դառնալ: Լրագրողների հետ հանդիպման ժամանակ արհմիության մամուլի քարտուղար, Սիրուհի Հիլդա կեղծանունով տրանսվեստիտը հայտարարել է, որ իրենք պայքարելու են այդ օրենքի ընդունման դեմ. տեղեկացնում է mignews.com-ը: