ՀԱՅԿԱԿԱՆ ԺԱՄԱՆԱԿ. Կմիջնորդի

Այսօր` ժամը 11:35-ին, ՀՀ վերաքննիչ քաղաքացիական դատարանում նշանակված է «Օլիգարխներն ընդդեմ «Հայկական ժամանակ» օրաթերթի» գործով դատական նիստ, որի ընթացքում պետք է քննարկվի «Հայկական ժամանակի» վերաքննիչ բողոքը:

«ՀԺ» հրատարակիչ  «Դարեսկիզբ» ՍՊԸ-ի ներկայացուցիչ փաստաբան Վահե Գրիգորյանն այսօր վերաքննիչ դատարանին պետք է ներկայացնի միջնորդութուն` դատական նիստը մի քանի օրով հետաձգելու վերաբերյալ: Նա պատրաստվում է դատարանին տեղեկացնել, որ ինքը զրկված է եղել «ՀԺ»  գլխավոր խմբագիր, քաղբանտարկյալ Նիկոլ Փաշինյանի հետ գործը քննարկելու հնարավորությունից:

Իսկ այժմ ՀՀ ԱԺ-ն քննարկում է համաներման մի նախագիծ, որի ընդունվելուց հետո Նիկոլ Փաշինյանն ազատ կարձակվի եւ հնարավորություն կունենա փաստաբանի հետ քննարկել գործը:

Կենտրոն եւ Նորք-Մարաշ վարչական շրջանների ընդհանուր իրավասության դատարանի կայացրած վճռի համաձայն` «ՀԺ»-ն օլիգարխ պատգամավորներ Սամվել Ալեքսանյանին, Ռուբեն Հայրապետյանին եւ Լեւոն Սարգսյանին պետք է վճարի երկուական միլիոն դրամ, իբր նրանց զրպարտելու համար: