ՀԱՅՈՑ ԱՇԽԱՐՀ. Սպառել են փաստարկները

 Ըստ Վահրամ Աթանեսյանի` «Ադրբեջանը սպառել է բոլոր դիվանագիտական փաստարկները։ Անկախ միջնորդների վերաբերմունքից, փաստն այն է, որ հռչակված 3 հիմնարար սկզբունքներից ադրբեջանական կողմը միայն մեկն է ընդունում` տարածքային ամբողջականության սկզբունքը։

Ադրբեջանն անում է հնարավորը եւ անհնարը, փորձում եռանախագահությունը դարձնել քառանախագահություն, խնդիրը տեղափոխել այլ ատյաններ եւ այլն, բայց, կարծում եմ, ադրբեջանական կողմը իր դիվանագիտական ռեսուրսն արդեն սպառել է, եւ շփման գծում սադրանքների ահագնացումը պայմանավորված է հենց դրանով։ Եթե լրացուցիչ դիվանագիտական կամ արտաքին քաղաքական ռեսուրս ներգրավելու հեռանկար ունենար` Ադրբեջանը նման քայլերի չէր գնա»։