Մահացել է Առաջին աշխարհամարտի վերջին մասնակիցը

Ավստրալիայում 110 տարեկան հասակում մահացել է Առաջին աշխարհամարտի վերջին մասնակիցը: Նաև աշխարհի ամենատարեց 10 մարդկանցից մեկը համարվող Քլոդ Սթենլի Շուլը մասնակցել է երկու աշխարհամարտի. հաղորդում է Associated Press գործակալությունը:

Վետերանը մահացել է մայիսի 5-ին` Պերտ քաղաքի ծերանոցներից մեկում:

1901թ. ծնված Շուլը 1916թ.-ից Մեծ Բրիտանիայի ռազմածովային ուժերի կազմում մասնակցել է Առաջին համաշխարհային պատերազմին, ապա, 1926թ.-ից ծառայության անցնելով Ավստրալիայի ռազմածովային ուժերում, մասնակցել է նաև Երկրորդ աշխարհամարտին: Զինվորական ծառայությունը թողել է 1956 թվականին:

Շուլն ամուսնացած էր, ուներ 3 երեխա, 11 թոռ եւ 22 ծոռ: 108 տարեկանում նա գիրք էր հրապարակել: