Պատգամավորները խճճվել են

ԱԺ նիստն այսօր սկսվեց տեխնիկական խնդիրներով: Կորեացի մասնագետները որոշ հարցեր կարգավորելու համար ժամանակ էին խնդրել, ինչի արդյունքում էլ հերթական քառօրյան մեկ շաբաթով հետաձգվել էր:

Կատարված փոփոխությունները, սակայն, պատգամավորներին տեխնիկական խնդիրներ առաջադրեցին, հատկապես` գրանցման եւ քվեարկությունների հետ կապված: Նրանց ոչ մի կերպ չէր հաջողվում նորություններին ընտելանալ: Նույնիսկ ԱԺ նախագահ Հովիկ Աբրահամյանը բարկացավ ՀՀԿ-ական Մանվել Բադեյանի վրա` ասելով, թե պետք էր 10 րոպե շուտ գալ ու հասցնել սովորել:   

Այլ պատգամավորներ եւս «մուննաթ եկան», թե չգիտեն` «որ կնոպկան պիտի սեղմեն»:

Սա արդեն հունից հանեց ԱԺ նախագահին եւ նա պոռթկաց. «Ձեր մուննաթները Ձեզ պահեք, եթե չեք կարողանում քվեարկել, քարտուղարությանը դիմեք, թող օգնեն»: