Գյուղնախարարը կրթաթոշակ կտրամադրի ագրարային համալսարանի ուսանողներին

ՀՀ գյուղատնտեսության նախարար Սերգո Կարապետյանը Հայաստանի պետական ագրարային համալսարանի պրոֆեսորադասախոսական կազմի և ուսանողների հետ հանդիպման ժամանակ հայտարարել է, որ իր անունից բուհի ուսանողներին կրթաթոշակ կհատկացվի։ Խրախուսական երկու կրթաթոշակը կտրվի համալսարանի` լավագույն արդյունքներ և առաջադիմություն ցուցաբերած մարզաբնակ ուսանողներին։

Հանդիպման ժամանակ նախարարը նշել է, որ գյուղատնտեսության ոլորտը երկրի ողնաշարն է, իսկ գյուղերը՝ մեր սահմանները: «Ուստի ոլորտի կայուն զարգացումը նույնքան կարևոր է, որքան երկրի պաշտպանական համակարգի անխոցելիությունը»,- ասել է նա եւ տեղեկացրել հոկտեմբերի երրորդ կիրակին գյուղատնտեսության աշխատողի օր հայտարարելու նախաձեռնության մասին: