ԱՄՆ-ը չի մոռացել հայ-թուրքական հաշտեցման գործընթացը

ԱՄՆ-ը  Հայաստանի եւ Թուրքիայի հետ հաճախ է քննարկում երկու երկրների միջեւ հարաբերությունների կարգավորման խնդիրը եւդրան մեծ կարեւորություն է տալիս. ըստ թուրքական «Հուրիեթ» օրաթերթի` մամուլի ասուլիսի ժամանակ հայտարարել է ԱՄՆ պետքարտողարի Եվրոպայի եւ Ասիայի հարցերով տեղակալ Ֆիլիպ Գորդոնը:

Նա շեշտել է, որ իրենք պատրաստ են ամենայն աջակցություն ցուցաբերել Հայաստանի եւ Թուրքիայի միջեւ հարաբերությունների բնականոնացմանն ուղղված ջանքերին` մտահոգություն հայտնելով, որ վերջին շրջանում դրանք նվազել են:

«Երկու երկրների շահերից է բխում հարաբերությունների կարգավորման գործընթացի շարունակումն ու բարեկամական հարաբերությունների հաստատումը: Այդ պատճառով մենք շարունակում ենք աջակցել երկու երկրների միջեւ ուղիղ երկխոսությանը եւ հարաբերությունների կարգավորմանը: Այդ թեման մենք հաճախ ենք քննարկում երկու երկրների մեր գործընկերների հետ հանդիպումների ժամանակ»,- ասել է Գորդոնը: