Ամենաթանկարժեք կոշիկը չի գտնում իր գնորդին

Աշխարհի ամենաթանկարժեք կոշիկը չի կարողանում գտնել իր գնորդին:

Ըստ բրիտանական The Daily Mail-ի` բրիտանացի դիզայներ-ոսկերիչ Քրիստոֆեր Մայքլ Շելիսի ստեղծագործությունը` մաքուր ոսկուց եւ 30 կարատանոց 2200 ադամանդից պատրաստված բոկոտիկները, արժեն 140 հազար ֆունտ սթերլինգ: Արդեն 5 ամիս է` դրանք չի հաջողվում վաճառել:

Borgezie կոշիկի տանը վաճառքի հանված բոկոտիկները հետաքրքրություն են առաջացրել մի շարք հարուստ, գլամուրի սիրահար կանանց շրջանում, նշվում են Շերիլ Քոուլի եւ Պերիս Հիլթոնի անունները: Ինքը` դիզայները, հավաստում է, որ կոշիկը գնելու վերաբերյալ բանակցություններ են ընթանում, սակայն կոնկրետ պայմանավորվածություն դեռ ձեռք չի բերվել: