Տղամարդկանց ընտրությունն ավելի մեծ է

Մինչև 25 տարեկան օրիորդներին ավելի շատ հետաքրքրում են բարետես արտաքինով և ֆինանսապես ապահովված տղամարդիկ, իսկ 25-ից բարձր տարիք ունեցողները տղամարդու  արտաքինն այդքան էլ չեն կարևորում. այսօր լրագրողների հետ հանդիպման ժամանակ ասաց «Հանդիպում, ամուսնություն և ընտանիք» կենտրոնի տնօրեն Նարե Մարտոյանը:

Կենտրոն դիմողների թիվը վերջին շրջանում ավելացել է: Ամուսնանալ ցանկացողները հիմնականում կանայք են, հետեւաբար տղամարդկանց ընտրությունն ավելի մեծ է: Ծառայությունների արժեք 10.500 դրամ է:

Նարե Մարտոյանը լրագրողներին տրամադրեց տվյալներ, որոնց համաձայն` կենտրոնի աշխատանքների շնորհիվ յուրաքանչյուր եռամսյակ ստեղծվում է 20-22 զույգ:

Հոգեբան Մարիամ Մեհրաբյանը դրական գնահատեց կենտրոնի աշխատանքը և հավելեց, որ դար գործունեությունը նպաստում է  հասարակության բարգավաճմանը: