Ադրբեջանական ամենամեծ դրոշը պատռվել է չորրորդ անգամ

Ապրիլի 9-ի երեկոյան Բաքվի Պետական դրոշի հրապարակում ծածանվող ադրբեջանական ամենամեծ դրոշը պատռվել է արդեն չորրորդ անգամ: Մասնագետների մի մասն ասում է, թե պատճառն ուժեղ քամին է եղել, մի մասն էլ` թե դրոշի կտորը, որից կարվել է: Այս մասին գրել է «Յենի Մուսավաթ» թերթը:

Ադրբեջանական ամենամեծ դրոշը տեղադրվել էր անցյալ տարվա սեպտեմբերի 1-ին: Եվ հենց հաջորդ օրը 350 կիլոգրամ կշռող հսկայական դրոշը պատռվել էր ուժեղ քամուց: Նման բան տեղի էր ունեցել եւս երկու անգամ:

Մոտ մեկ ամիս առաջ կախ էր ընկել ու ծածանվում էր դրոշի 162 մետրանոց կտորը, ինչի պատճառով մոտակա տների բնակիչները տարհանվել էին:

Այդ դրոշի համար Ադրբեջանի պետբյուջեից ծախսվել էր 35 միլիոն դոլար: