ԵՐԿԻՐ. Ակադեմիան նոր նախագահ կունենա՞

Եվս մեկ ամիս եւ ՀՀ ԳԱԱ-ում կմեկնարկեն գիտական այդ կառույցի նախագահի ընտրությունները. ներկայիս նախագահ Ռադիկ Մարտիրոսյանի լիազորություններն ավարտվում են այս տարվա մայիսին:

Մեզ հասած տեղեկատվության համաձայն` այսօր ԳԱԱ-ում կան ակադեմիկոսներ, ովքեր չեն ցանկանում երկրորդ անգամ Ռ. Մարտիրոսյանին տեսնել այդ կառույցի նախագահի պաշտոնում եւ ընտրություններին իրենց ձայնը չեն տա նրան:

Սակայն, ինչպես ասում են՝ հնից լավը չկա, եւ նախագահական նստավայրից հանձնարարական կիջեցվի՝ Ռ. Մարտիրոսյանին եւս մեկ անգամ ԳԱԱ նախագահի պաշտոնում նշանակելու մասին:

Չէ՞ որ Հայաստանի իշխող կուսակցության նախընտրական շտաբը սովորաբար հենց ԳԱԱ նախագահության շենքն է դառնում, որտեղից էլ կազմակերպվում են խորհրդարանական եւ նախագահական ընտրությունները: