Չավեսի կարծիքով` շուտով հերթն իրեն է հասնելու

Արեւմուտքը միայն ձեւ է անում, թե մտահոգված է Լիբիայի բնակիչների ճակատագրով, իրականում նրան հետաքրքրում են միայն աֆրիկյան երկրների նավթային պաշարները. հայտարարել է Վենեսուելայի նախագահ Ուգո Չավեսը:

Նա համոզված է, որ Քադաֆիին գահընկեց անելուց հետո «ամերիկյան իմպերիալիզմը» սկսելու է իրենով զբաղվել. տեղեկացնում է Rosbalt-ը:

Օրերս Չավեսը նաեւ հայտարարել էր, որ Սիրիայի նախագահ Բաշար Ասադն է «իմպերիալիզմի նոր թիրախը»:

Նա զուգահեռներ է տարել Լիբիայի եւ Սիրիայի իրադարձությունների միջեւ. «Նույն սցենարն է: Երկրի բնակիչներին սադրում են արյունոտ բախումների, որ հետո ներխուժեն այնտեղ, զավթեն բնական պաշարներն ու երկիրը գաղութի վերածեն»,- հայտարարել է Վենեսուելայի նախագահը: