Մոլորակի ժամ-2011

Բնության համաշխարհային հիմնադրամի հայաստանյան մասնաճյուղի (WWF), ՀՀ բնապահպանության նախարարության եւ Երեւանի քաղաքապետարանի նախաձեռնությամբ` այս տարի երրորդ անգամ Հայաստանը կմասնակցի «Մոլորակի ժամ» համաշխարհային ակցիային:

Բնության համաշխարհային հիմնադրամի հայաստանյան գրասենյակի մամուլի կենտրոնից «Երկիր»-ին տեղեկացրին, որ մարտի 26-ին` Երեւանի ժամանակով 20:30-21:30-ը կանջատվեն մայրաքաղաքի խորհրդանիշ հանդիսացող շենքերի եւ կառույցների արտաքին լուսավորությունն ու էլեկտրաէներգիան, ինչպես նաեւ փողոցների լուսավորությունը:

Ակցիայի նպատակը մեր մոլորակի կենսապայմանների եւ ռեսուրսների պահպանումն է: Այն առաջին անգամ մեկնարկել է 2007-ին Ավստրալիայի Սիդնեյ քաղաքում. 2 միլիոն մարդ անջատել էր լույսերը ` միավորելով ջանքերը կլիմայի փոփոխության դեմ մղվող պայքարում: