Թամամյանին կկալանավորե՞ն

Այս պահին Կենտրոնի դատարանը, Մխիթար Պապոյանի նախագահությամբ, քննում է ոստիկանության քրեական հետախուզության գլխավոր վարչության նախկին պետ, գեներալ-մայոր Հովհաննես Թամամյանին երկու ամսով կալանավորելու միջնորդությունը:

Ոստիկանության մեր աղբյուրների համաձայն` ենթադրվում է, որ միջնորդությունը բավարարվելու է:

Հիշեցնենք՝ Հովհաննես Թամամյանը եւ ոստիկանության Արաբկիրի բաժնի պետ Վարուժան Ադամյանը ոչ օբյեկտիվ քննություն իրականացնելու համար ազատվել էին իրենց պաշտոններից ոստիկանապետ Ալիկ Սարգսյանի` փետրվարի 26-ի հրամանով:

Ոստիկանապետի այդ հրամանը տրվել էր գլխավոր դատախազ Աղվան Հովսեփյանի միջնորդության հիման վրա՝ «հետագա պաշտոնավարման աննպատակահարմարության» հիմնավորմամբ: