Մեդվեդեւը Քադաֆիին հայտարարեց persona non grata

ՌԴ նախագահ Դմիտրի Մեդվեդևը հրաման է ստորագրել, որով արգելվում է Լիբիայի առաջնորդ Մուամար Քադաֆիի և նրա շրջապատի կարևորագույն դեմքերի մուտքը Ռուսաստան. տեղեկացնում է «Ինտերֆաքսը»:

Արգելքը տարածվում է Քադաֆիի աղջկա` Աիշայի և նրա յոթ որդիների, ինչպես նաև ազգային անվտանգության հարցերով խորհրդական Մուխասիմա Քադաֆիի, հատուկ ուժերի հրամանատար Սաահադ Քադաֆիի, «Քադաֆի» հիմնադրամի տնօրեն Սեյֆ ալ Իսլամ Քադաֆիի, Քադաֆիների ամենամոտ ազգական` լիբիական առաջնորդ Քադաֆի ադ Դամ Սաիդ Մուհամեդի վրա: Նշյալ անձանց ոչ միայն արգելվում է մուտք գործել Ռուսաստան, այլև տարանցիկ ճանապարհով անցնել շրջակա երկրները:

Բացի այդ` Մուամար Քադաֆիին, նրա դստերը` Աիշային, և վերջինիս որդիներին արգելվում է ֆինանսական գործողություններ իրականացնել ՌԴ-ում առկա իրենց ֆինանսական կարողություններից: