Ջավախքը հայաթափման եզրին է

Ջավախքի հայապահպանության կարեւորագույն գրավականը Հայաստանի պետականությունն է` չնայած ներկայիս հայաստանյան իշխանությունները տարբեր առումներով երբեմն հիասթափեցնեում են ջավախահայությանը. լրագրողների հետ հանդիպման ժամանակ ասաց ջավախեցի փորձագետ Ղեւոնդ Մկրտչյանը:

Նա նշեց, որ ներկայիս պայմաններն այնպիսին են, որ Ջավախքը ցանկացած պահի կարող է հայաթափլինել կամ մուսուլմանական ազդեցության ենթարկվել:

Փորձագետ Վահե Սարգսյանի կարծիքով` քանի որ Հայաստանում Ջավախքի վերաբերյալ հայեցակարգ գոյություն չունի, մենք չգիտենք, թե ինչպիսին ենք ուզում տեսնել Ջավախքը 50 տարի հետո:

«Թուրքերն ու ադրբեջանցիները ունեն հստակ հայեցակարգ: Նրանք ուզում են ջավախահայությանը Հայաստան ուղարկել, եւ եթե վերջին հայը դուրս եկավ Ջավախքից, այն ամբողջովին թուրքերով է բնակեցվելու»,- նշեց փորձագետը: