Հրադադարը խախտվել է 150 անգամ

Համաձայն Պաշտպանության բանակի օպերատիվ տվյալների`փետրվարի 6-12-ն ընկած ժամանակահատվածում ղարաբաղա-ադրբեջանական հակամարտ զորքերի շփման  գոտում արձանագրվել է  հրադադարի ռեժիմի խախտման շուրջ 150 դեպք. հակառակորդի առաջապահ ստորաբաժանումները հայկական դիրքերի ուղղությամբ կատարել են ավելի քան 700 կրակոց: 

Հատկանշական է, որ, ի տարբերություն նախորդ խախտումների, անցած յոթնօրյակում ադրբեջանական ուժերն իրենց նախահարձակ գործողություններում, բացի այլ հրաձգային զինատեսակներից, առավել հաճախ են կիրառել  СВД և «Սև նետ» տիպի դիպուկահար հրացաններ:

Չնայած հակառակորդի դրսևորած նկատելի ակտիվությանը` ՊԲ առաջապահ ստորաբաժանումները շփման գծի բոլոր հատվածներում ձեռնպահ են մնացել պատասխան գործողություններից և միաժամանակ վստահորեն իրականացրել են իրենց վերահսկողության տակ գտնվող դիրքերի պաշտպանությունը, հայտնում են  ԼՂՀ ՊԲ լրատվության և քարոզչության բաժնից: